Конференція Римсько-Католицьких Єпископів України

№ 358/02
Львів, 25.10.2002 р.

Декрет

Цим від імені Конференції Римсько-Католицьких Єпи­скопів Укра­їни затверджую український текст “Обрядів Конфірмації” і дозволяю на його друк (Декрет Свя­тої Кон­грегації Божого Культу, прот. № 386/01/L від дня 18 квітня 2002 року).

Це видання оголошую взірцевим і рекомендую використовувати в усіх римсько-католицьких дієцезіях України.

З застереженням усіх інших приписів церковного права.

Мар’ян Кардинал Яворський,
Архієпископ-Митрополит Львівський,
Глава Конференції Римсько-Католицьких Єпископів України

SACRA CONGREGATIO PRO CULTU DIVINO

Prot. n. 800/71

DECRETUM

Peculiare Spiritus Sancti donum, a Christo Domino promissum et super Apostolos die Pentecostes effusum, ipsi Apostoli eorumque successores Episcopi baptizatis hominibus per Confirmationis Sacramentum tradiderunt. Cuius ope christianae vitae initiatio ita perficitur, ut fideles, superna corroborati virtute, Christi testes sinceri, tum verbis tum exemplis evadant, itemque arctiore cum Ecclesia vinculo astringantur.

Quo autem clarius «huius Sacramenti intima connexio cum tota initiatione christiana» elucesceret, Oecumenicum Concilium Vaticanum II decrevit, ut ritus Confirmationis recognosceretur.¹

Nunc vero, huiusmodi opere absoluto atque approbato a Summo Pontifice Paulo PP. VI per Constitutionem Apostolicam Divinae consortium naturae, die 15 augusti 1971 signatam, Sacra Congregatio pro Cultu Divino, novum Ordinem Confirmationis, qui pro Ordine in Pontificali et Rituali Romano antehac usitato substituatur, evulgandum curavit, eiusque editionem, quae nunc exhibetur, typicam esse declarat.

Contrariis quibuslibet minime obstantibus.

Ex aedibus S. Congregationis pro Cultu Divino, die 22 augusti 1971, Sollemnitate Ascensionis Domini.

Arturus Card. Tabera,
Praefectus

A. Bugnini,
a Secretis

1 Cf. Const. Sacrosanctum Concilium, n. 71, A.A.S. 56 (1964), p. 118.

UCRAINAE LATINORUM

Prot. n. 386/01/L

Instante Excellentissimo Domino Markijan Trofimiak, Episcopo Luceoriensi, Commissionis Liturgicae Praeside, litteris die 18 februarii 2001 datis, vigore facultatum huic Congregationi a Summo Pontifice IOANNE PAULO II tributarum, textum lingua ucraina exaratum partis Ritualis Romani cui titulus est “Ordo Confirmationis”, prout in adiecto exstat exemplari, perlibenter confirmamus seu approbamus.

In textu imprimendo inseratur ex integro hoc Decretum, quo ab Apostolica Sede petita confirmatio conceditur. Eiusdem insuper textus impressi duo exemplaria ad hanc Congregationem transmittantur.

Contrariis quibuslibet minime obstantibus.

Ex aedibus Congregationis de Cultu Divino et Disciplina Sacramentorum, die 18 aprilis 2002.

Georgius A. Card. Medina Estevez,
Praefectus

Franciscus Pius Tamburrino,
Archiepiscopus a Secretis